Çittara zeneize/Rimme çivî/Con un segno de croxe che me faççe
| ←Per no fâve atri prîchi con papê | Çittara zeneize - Rimme çivî de Con un segno de croxe che me faççe |
Per fâme oro purgao dra sò foxiña→ |
| Zena, Franchello, 1745 notte do Prien |
XXIV.
Con un segno de croxe che me faççe,
Metto a segno ri spiriti cattivi,
Che no san se sen morti ò se sen vivi:
Van comme se ro boja ri scovasse.
Voî, che ne faççe mille e ri refaççe
Sciù tutti quenti ri superlativi,
Ri avei tutti per magri tentativi,
Tutti per balle de papê de straççe.
Ma me pâ de sentî che me digghǽ:
Mi no fuzzo, comme Angera dro Çê;
Lô fuzzan, comme Spiriti infernǽ.
Respondo: Ma se voî cangǽ mestê,
Che ciù che ro Diavo m’intentǽ,
No ve tocca a fuzzî voî ciù che lê?