Çittara zeneize/Rimme çivî/A son de tromba tutta ra Çittǽ

by Gian Giacomo Cavallo

←De passo in passo un pensamento nœuvo

Çittara zeneize - Rimme çivî de Gian Giacomo Cavallo A son de tromba tutta ra Çittǽ

Per no fâve atri prîchi con papê→

Zena, Franchello, 1745
notte do Prien

XXII.

A Son de tromba tutta ra Çittǽ
Dixe che in Çê s’è visto ra cometa.
Tutto ro Mondo prîca, che s’aspeta
Quarche grosso castigo de pecchǽ.

Minetta, quanto a mi, ne temmo assǽ.
No vœugge Dê, che in questo sæ Profeta!
Ma troppo aora se væ’ passâ ra meta
A ro Mondo ra poca caritǽ.
 
Che, per parlâ mi mæsmo dro mæ bœu,.
Che de mi voî faççǽ tenti maxelli,
Con che raxon poei fâro, e con che cœu?

Minetta, se me driççan ri cavelli.
Ve parrà strañio che compoæran fœu
Da pœuscia re Comete e ri fragelli?