Wikivivàgna:Avertense

←turna in derê

Avertense generale

Dövia a Wikivivagna a to reizegu e peigu! A Wikivivagna a nu dà cunseggi medici o legali!

A Wikivivagna a l'è 'na libraja gratuita in-linnia furmâ da de gente che se dan da fâ liberamente pe svilüppâ ün fundu de scriti libberi da u dritu d'autû da döviâ cumme risorsa cumün-a de cunuscensa.

Accüratessa

Questa bibliuteca a l'è strüttürâ de mainea che chiunque dispun-e de 'na cunesciun internet e de 'n navegatû u posse mudificâne u cuntegnüu. Questa libertæ d'acessu a porta cumme cunseguensa che quellu che truvæ chì drentu purrieiva nu ese u travaggiu de prufesciunisti cu-a cumpetensa necessaia a assegüâ a cunpleta accüratessa de transcrissüin. Questu nu vö mancu dî che inta Wikivivagna nu se ghe posse truvâ de transcrissüin precise, accüræ e de qualitæ, ma sulu che a Wikivivagna a nu pö garantî inte nisciün moddu a validitæ di docümenti che gh'atruvæ drentu, dætu che purieivan ese cangiæ, fascificæ o aruinæ inte qualunque mumentu, e che sti cangiamenti gh'arestian pe scin che quarchedün atru u nu i vedde e u i cureze.

Respunsabilitæ

Nisciün di outuî, cuntribütuî, prumutuî, aministratuî o nisciün'atra persun-a agge da fâ cu-a Wikivivagna a pö, de qualunque mainea, ese tegnüa respunsabbile pe-a cunparsa de infurmassüin inaccüræ o diffamatoie, o de l'ütilizzu che se faiâ di scriti contegnüi inte stu scitu o inte paggine che gh'en cunligæ.

Liçense

Se pö döviâ i cuntegnüi de questu scitu web inti termini descriti inta GNU Free Documentation License e inta CC-BY-SA. Pe a ciü gran parte sun de pübbricu duminniu.

Sei libberi de riprudüe i cuntegnüi da Wikivivagna gratuitamente e sensa limitassüin, cuscì cumme femmu niatri, sensa che se vegne a creâ nisciün-a respunsabilitæ cuntratuâ o extra-cuntratuâ tra l'ütente e u scitu (o chiunque agge da fâ cu-u scitu). Niatri serchemmu de furnî de infurmassüin cunplete riguardu i driti d'autû, però a respunsabilitæ ürtima de ri-cuntrulâ che davei nu ghe segge de viulassiun du dritu d'outû in sce e övie che lezei o cupiæ a speta delungu a vuî.

Lezze lucale

Dæ amente che i cuntegnüi da Wikivivagna purieivan viulâ de lezze du paize o da giürisdissiun du lögu d'unde sei aprövu a vixualizâli. A Wikivivagna a nu l'incuraggisce a viulâ a lezze, ma dou mumentu che sti cuntegnüi en alügæ inti serviuei scituæ inta Florrida, questi sun prutezüi dou primmu emendamentu da Cunstitüssiun di Stati Ünii, quellu in sciâ libertæ d'espresciun, e daa Deciarassiun Üniversâ di Driti de l'Ommu de Nassüin Ünie.

E lezze du vostru paize purieivan nu ese cuscì prutettive da libertæ d'espresciun cumme quelle di Stati Ünii o de Nassüin Ünie, nintedemenu a Wikivivagna a nu pö ese tegnüa respunsabbile pe a putensiâ viulassiun de ün-a de ste lezze intu caxu che viatri ve ghe cunlighesci o döviesci i so cuntegnüi.