Rimme taggiasche/Risposta fatta alla seconda lettera
| ←Risposta fatta alla prima lettera. | Risposta fatta alla seconda lettera. de |
Risposta fatta alla terza lettera.→ |
| ed. da E.G. Parodi e G. Rossi into Gior. Stor. Lett. da Lig. - IV, 1903. ↑torna a-a lista di atri scriti |
Mi no me maraveglio à ro boindena
S’allantò re me oreglie me cornava,
Quando così arraggiao mi giastemava
S’a me sentia de chiù mangià ra schena.
No me ne maraveglio in fe de Dena,
Perchè l’eira un che me mentionava,
Ch’hò lasciao intra lezenda, ò s’ostinava,
Dre giasteme Taggiasche una dozena.
a menaimero à mezo esto cozzì,
Ch’hà tanta vorontae, tanta covea,
Che mi giasteme zù à botte, e barrì.
Che te vegne ro Zembo, e ra Lovea,
Zò ch’à n’hò faito à elli à vuoglio mi
Fattero havora à tù, ch’hai fazza ebrea,
Che te vegne ra Prea.
Te vegnisse ella pù de muoo tà,
Che besuognasse, che barba Cottà
Te ra vegnisse à trà.
Che te vegn’una ronca, e ri schiatelli,
Và à cerca dri borei, e dri merelli,
O xù pe ri canelli
Và à coglie ri ramponzi, e re lumazze,
O à portate à cà legne, e poazze,
Mangiauò de fogazze.
Te vegne ra peuia, ro mà dro bò,
Poscello gragnorà sor’intro tò.
Te piaxello havò ?
Senti mastro Cottà, mastro Ciamporna,
Mi hò vorontae de rompete una corna,
O fatte andà a Ligorna (1)
Eiritù sborgno, che ti n’ hagli visto,
Pezzo de mascarzon, cieira de tristo,
Se mi son staito avvisto
A giastemari co ro mà dro bò,
E dre pezoe giasteme dighe ancò?
Ma zà ch’à vego havò,
Che ti matezi, e sei senza cervello
Van'à piglià ro Sacco, e ro Rastello
E così bello, bello,
Và xù in Giancolareo, ò a Montemà
E lì comenza un puoco à giastemà;
Quando ra lenzorà
Ti no porrai inchì, ò ro tò sacco,
O vate à fa frustà da Andrea ro Bracco.