Rime diverse in lingua genovese/A-o mæximo
| ←A-o Steva Carmagnœua | Rime diverse in lingua genovese de A ro mesmo |
Lorenzo Questa a Christoffa Zabata→ |
| da-e Rime diverse in lingua genovese do 1588 cangiòu e u in v e viçeversa, misso acento grave a "fallì", "sentì", "moè", "Cittè", "Arvì"; corezi: *"quenti", *"A ri cinque" |
TANDEM, feto hò ro libero stampà
Con gran speisa, e trauagio (Segnò mè)
(E con qnenti* desgusti ro sà Dè)
Pe ri que m'hò havuo quasi a desperà.
Sacchiè che tosto, che fuinto zà,
Un trovei d'esti chi stampan papè,
E che in restreito m'accordei con lè
Perche o me havesse subito a spacchià,
Si ghe lassei caparra ancon perche
O me servissi* e ben, fittaraman,
Ma puo da varent'homo ò m'hà mancaou.
E cosi d'hoggi anchuoe, drento a Miran
Fin a disette giorni o m'hà menaou,
Che chiu in derrè, che in prima era de pè.
Pensè vui un poco sè;
D'esse si mà trattaou senza cazon,*
Ra stizza havei deveiva, e con raxon,
Onde per concruxon;
De no vorrei chiu tempo buttà via
Me ressorsi vegnimene a Pavia,
Dond'è unna Stamparia
Bonna, e perfetta, come ve farò
Vei, quando a Zena come vui sarò.
Atro da di no v'hò,
Per hora, sarvo che me prego assè,
Che a trei me amixi me recomandè,
No sò se vui sacchiè:
Chi questi sen, mà ve ri vuoegio di
Azò che in questo no posse falli*.
Steme donca a sentì;
Messe Bernardo Castelletto, è l'un
Quà de servì l'amigo è moè zazun.
E l'atro, che à caschun;
Vorentè serve, e moè de nò, no dixe
35E messè Marcantogno dri Pernixe.
Che Dè si ro benixe;
E ro mantegne ogn'hò san, e gagiardo
Ro terso, è dri Ferrè messe Bernardo.
Quà de bon'oggio guardo;
E che dexiro chi, perche sò ben
Ch'esse con lè m'incressereiva men.
E a vui baxo re moen.
Pregandove allegrezza, e sanitè
Che Dè ve daghe zò che dexirè.
Da ra Cittè chi ha dentro sò confin,
Ra Torre de Boetio Severin.
A ei* cinque d'Arvì, dro mille cento
Ottantatrei, con sovra quattro cento.
Christoffa (chi dexira de servive)
Zabata, questo de sò man ve scrive.