Riçette/E troffie
< Riçette
| ←O menestron | Riçette de E tròffie |
I raviêu→ |
Pèiza ûn quarto de faenn-a 'n te 'n grilletto
e mèttilo 'n sciâ mèizoa ben pulïa.
Poi bòggi, spèlla e passa co' ô siäsetto
trei quarti de patatte. Impasta e gïa
faxendoghe 'n to mëzo ô sêu fossetto
pe’ ammorbidî con l’ægua intiepidїa.
Quando a pasta a l’è sciocca, ogni tocchetto
fànne 'na lunga biscia ed â spedїa
tàggila a tocchi, incipria de farinn-a
e falli arrigoëlâ, pe’ däghe ô risso,
co’ ô pollice 'n scì i denti da forçinn-a.
Falli boggî pe' çinque o sei minûti
(che se s’impèttan dunque...ô l’è 'n pastisso)
e sèrvili co’ ô pesto tïæ sciù sciûti.