Ra cittara zeneize 1636/Vuoi, che à ro son de Cittara Zeneize

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Çivî

Da mì infuoera e chi, me cuoe, pensavo→

Zena, Gioxeppe Pavon, 1636
in corscivo e ligatue

Vuoi, che à ro son de Cittara Zeneize
Dri me sospiri in carta ve fæ spegio,
Che inanzi tempo me fen vegni vegio,
Da puoe che ro sorchetto Amó m'atteize.

Zà che Amó ve fà savij a re mæ speize,
Mentre in sciù re mæ spalle fæ collegio,
Haggiæme compassion così, à ra megio,
In nò me condanna senza defeize.

E mentre in leze me virei cangiou
E ro nomme, e ra forma dro gippon
Oura in hommo de villa, oura in pescou.

Fæve vegni in mente un Salamon,
Che se le mesmo è uscio dro semenou,
Amó no ammette lumme de raxon .