Ra cittara zeneize 1636/Tutto l'oro dro Mondo in paragon
| ←torna a l'èndexo | Ra cittara zeneize de Amoî Servî |
Quando veggo Zaninna à ro barcon→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Tutto l'oro dro Mondo in paragon
Dra mæ Zaninna è ferrovegio, e strasse
L'è a puinto com'à dì mangia poasse
O mangia pastissetti da boccon.
L'è gianca come peto de Capon,
Fresca com'unna ruoeza; quattro gasse;
Ogni poco d'attresso, ch'à se fasse,
A pa un So dro Levante à ro barcon.
Me metto quarche votte in sciù re detæ;[sic]
Stupiscio de mira ro portamento
De tente belle parte, e si ben fetæ.[sic]
Se nò cazo li morto de spavento
L'è perchè nuo dentr'un ma de læte
E Amo me ten ra man sotta ro mento.