Ra cittara zeneize 1636/S'in forma de pescou de scoeggio in scoeggio

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Lucco Açæn

Quando mi assì Cavallo andava in fera→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR LUCCA ASSARINO. S'in forma de pescou de scoe[g]gio in scoeggio Parlæ d'Amo [c]on re ægue, e con re arenne, S'intro fossou dro bosco, ò à pe dro troeggio Sfoghæ come Villan re vostre penne Nissun ve voze moæ, Ballin, re schenne, Ma senz’anscia, ni parpella con l'oeggio Ogn'un v'ascota, e puoe dixe in chiù menne, Che meritæ voi solo l'orofoeggio Perche moæ nò s[']e, visto ni lezuo, Che nissun haggie havuo venna si netta De fa, come fæ vuoi, versi à derruo; In concruxon mì ve ra diggo schietta, Ogn'un ten che Ballin haggie vensuo Ro levanto, ro Monti, e ro Foggietta.

RISPOSTA Con ra cittara in man de scoeggio in scoeggio Scorsi gran tempo re areghe, e re arenne E fei cangia chiù d'unna Cara in troeggio, Con impira dri chienti dre mæ penne. A ro zovo d'Amo doggiei re schenne: Donna seguì, ni moæ ra lasceì d'oeggio E Poeta cantei con varie menne Ma spinne hebbi da Amo per orofoeggio Vuoi, Assarin, c'havei visto, e lezuo Ch'in versi, e in proze con venna si netta Ri concetti havei lì sempre à derruo; Per cortexìa spranghæmera chì schietta Donca poei cræ c'haggie Ballin vensuo, Ni manco per pensiero, ro Foggietta?