Ra cittara zeneize 1636/Ra megio lesca, che moæ fesse Dé

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Mainæschi

Questo Liban acceizo incatranou→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Ra megio lesca, che moæ fesse De,
Da puoe che l'arte, e impoza, e mi ra fasso,
Ra scio se nò m’inganno dro vermasso
L'hò mi dentr'esta strassa de panne.

Mentre che luxe ancon ra Lunna in Cè
Vaggo, à ri scuoeggi d'atro che de passo,
Tutto Maxinna, cara, me desfasso;
Vaggo, e no tocco terra con ri pe

Oh' se tanta ventura me mandasse
Amo per prezenta ra mæ Maxinna
Che quarche lovassuoe se m'inlamasse;

Che quarche bell'ora, che quarche ombrinna
A ra canella ancuoe me capitasse
O Ballin ricco chiù che ra Marinna.