Ra cittara zeneize 1636/Quanto chiù de Zaninna diggo, e scrivo
| ←torna a l'èndexo | Ra cittara zeneize de Amoî Servî |
In cento, e mille luoeghi dra Cittæ→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Quanto chiù de Zaninna diggo, e scrivo
Tanto chiù ghe saræ sempre da dì
L'è bella per sett'atre, e chiù genti,
L'è sempre fresca com'un semprevivo.
Che maraveggia è dunca se ne vivo
Bello invriego, e matto da spedi?
Se quando saræ tempo de dormi
Son chiù desciou che n'è l'argento vivo?
Fæ cuointo che l'è tutta pignoretti;
Se ra gora per sorte ghe miræ
Ra vei tutta schiovi canestrelletti.
In somma chi non sà cose se sæ
Questa chi me fà fa tenti sonetti
Nò sà cose sæ Amo, ne Caritæ.