Ra cittara zeneize 1636/Quando ro Só comensa à tramontá

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Çivî

Me pá giusto à ro zuoego de Promera→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Quando ro So comensa à tramonta,
Stanco d'havei stentou tutto ro giorno
Mì che bruxo de dentro com'un forno
Escio à vei se me puesse refresca.

Dopo havei dæto quarche passeggia,
E saruou Minetta me ne torno;
Stanco com'un cavallo de retorno
Me vaggo in cà de nuoevo à sotterra.

Lì fasso ri me cuinti in sciù re die,
Che cazo da ra poela dentre braxe,
Che Amo in fin no vuoe che me ne rie.

No trovando partio, chi me piaxe
Sbatto ra terra d'esto mondo chie,
Così me metto re mæ mente in paxe.