Ra cittara zeneize 1636/Quando pe ro boschetto
| ←torna a l'èndexo | Ra cittara zeneize de Madregæ boscæsci |
Stamattin tosto Amó→ |
| Zena, Gioxeppe Pavon, 1636 |
Quando pe ro boschetto
Sciù ro cará de l'hora
Ra me bella Lichinna se demora
S'allegra ogn'erboretto
Ro busco per nò punzeghe ro pé
S'arrósa, e ghe fa netto ro senté
Re scioi zà passe, e rente à fá ra barba
Fan fæsta, e se cren tutte ch’à se l'Arba
Che lumme, è questo, dixan trà de ló,
Torna fossia ro Só?