Ra cittara zeneize 1636/Quando in vista dra Riva
| ←torna a l'èndexo | Ra cittara zeneize de Madregæ mainæschi |
Bella, à che chiù desfate→ |
| Zena, Gioxeppe Pavon, 1636 |
Quando in vista dra Riva
Per dá così de votta
Arriva ra mæ bella sciabegotta,
Subito descoverta,
Stan li ri pesci all'erta,
Traonandoghe adosso ra sariva,
Mira, Bella, ognun dixe in sò parlá,
Se ti meriti ò noe
Nuoi che semmo chì boe
Buoin da fá ninte, solo da mangiá,
Oura solo de veite semmo buin
Tutti à passà per pesci salamuoin.