Ra cittara zeneize 1636/Quando d'in ato ma tutti arraggiæ

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Mainæschi

Lunzi da vuoi me cuoè, com'hò da vive→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Quando d'in ato ma tutti arraggiæ
V(o)eggo vegni zù come tenti chen
Ri maroxi abbaiando à ro terren
Da puoe ri veggo tutti abbonassæ.

Mì, che aspeto ogni dì de vei cangiæ
Ri maroxi, onde sempre Amo me ten,
M'allegro, e me ri figuro li chien,
Da ro mæsmo retræto accoppiæ.

Ma quando veggo in fin che l'è finia,
Che se ben quelli ammortan ra sò raggia,
Per mì gh'è dì, e noette traversia.

M'accorzo à ro reverso dra medaggia
Che in questo Mondo, l'è bella spedia,
Ri nostri gusti son fuoego de paggia.