Ra cittara zeneize 1636/No sì tosto comensa à sparegá

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Boscæsci

Comensa amarelede insciù ro bricco→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

No sì tosto comensa à sparega
In Ce ro primmo arbo tra scuro, e chiæro,
Che sato zù dro letto, onde me poero
In purgatoerio un'annima danna.

Com'unna cosa matta, e despera
Corro per questi boschi, e se repoero
No truoevo à re me penne ho per reghæro
Anda pe re caverne Echo à descia.

Con le me sfoego, e pa che per meixinna
Se servimmo l'un l'atro trà de nuoi
Se mi chiammo Lichinna, e le Lichinna.

Ma tosto à desconsa ri nostri amuoi
Sata ra girosia, chi n'assassinna
Cosi restemmo mutti tutti duoi.