Ra cittara zeneize 1636/No moeve moæ ro pé
| ←torna a l'èndexo | Ra cittara zeneize de Madregæ boscæsci |
Re scioí de questi proei→ |
| Zena, Gioxeppe Pavon, 1636 In corscivo e ligatue. |
No moeve moæ ro pé
Per bosco ò per collinna
A dá vista de lé ra mæ Lichinna
Ch'à no tire con lé
Tutte quente re Bestie dra campagna
Me crou che vegnireivan fin de Spagna.
Come l'Ava à ro boggio
Ghe corran tutte, e perdan ro sagoggio
Che per tutto, ond'à posa ro pé d'oro
Gh'è subito ra gratia de San Poro.