Ra cittara zeneize 1636/Minetta cara nò ghe son chiù mezo

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Çivî

Possi tù luxi tanto che ti schiatti→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Minetta cara nò ghe son chiù mezo,
Vuoi vei ch'ogni dì chiù vaggo in ræzon;
Che patiscio à mezura de carbon;
Che infin vaggo ogni dì de pezo in pezo.

Vei che in pe per miracoro me rezo;
Che per vuoi poæro in ciera ra passion
Pù come fuissi un marmaro, un ponton
Stæ dura; senza fæ; sempre à ra pezo.

A ro tempo che prico, e indærno aspeto,
Me crou ch'haveræ tosto convertio
Un'Eretico à battese ro peto.

Minetta cara per amo de Dio,
Dunca hei ro cuoæ si fæto per despeto,
Che moæ n'haggie da veiro intenerio?