Ra cittara zeneize 1636/In questa Cara, e scoeggi si reduti
| ←torna a l'èndexo | Ra cittara zeneize de Amoî Mainæschi |
Pallido, descarnou com'un aguo→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
In questa Cara, e scoeggi si reduti
All'ombra, à ro redosso dra montagna,
Vegni Cara, à passa l'hora dra cagna,
Che all'ombra ri pescuei son tutti futi.
Amo te sarà ghia perchè à pe sciuti
Ti superi ogni scoeggio, ogni seccagna
Con ri are ò te farà l'ombra compagna,
Ri ventixuoe, chi poæran si destruti.
Chi ti viræ ro mizero retræto
Dro tò Ballin sciù l'arega asbattuo,
Longo, e stratteizo come Dè l'hà feto.
Se in vista de spettacolo si cruo
Ro cuoe ti no te senti Contrafæto,
Di che Maxinna è un spirito perduo.