Ra cittara zeneize 1636/Havessi tue (in tanta tò mal'hora)

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Boscæsci

Questi erbori si secchi, e despoggiæ→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Havessi tue (in tanta tò mal'hora)
Havuo dentri oeggi mille orzuoe;
Un cancaro da læte dentro cuoe,
Chi t’havesse stratteizo lì lantora,

Perrin, ro primmo dì, quella prim'hora,
Che à quello maledetto lescheiruoe,
Ch'acceize Amo d'un sguardo à ro tò cuoe,
Ti fessi e ti allargassi tanta gora.

Che in cangio de cria ro tò gran torto
In sofferi per ti tanto strapasso,
Giubilereiva ra Campagna, e l'Horto.

Così sfogava un dì ro Meschinasso
De Perrin ra sò frenna bello smorto;
Appiccate (Amo disse) poverasso.