Ra cittara zeneize 1636/De villa in villa Amó, de valle in valle

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Boscæsci

Solo, dezerto, e pin de pensamento→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

De villa in villa Amo, de valle in valle
Me speronna à corri com'à staffetta;
Cerco re Liggie con ra campanetta:
De veire da ra larga pa che balle.

Affronto, seben pa che nò m'incalle,
Con ri cavelli driti in canderetta
Ra Morte, com'apuinto per inchietta
Da trame tente croxe da re spalle.

Le, che intanto re caccie và segnando;
Chi vè c'hò tanto cuoe com'un pestummo
Lichinna ò me và spesso arregordando.

Tanto che in fin, con pasceme de fummo,
M'accorzo che me vaggo à deslenguando
Come fà ra candeira à ro consummo.