Ra cittara zeneize 1636/Caro ben, vitta Cara, ah' sarà moæ
| ←torna a l'èndexo | Ra cittara zeneize de Amoî Boscæsci |
Pin de mille speranse Amó me ghia→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Caro ben, vitta Cara, ah' sarà moæ
Che posse confessa senza martuoerio
Che ti è bella, e pietoza, e che me groerio
D'havei per tì sofferto tanti moæ?
D'haveime infin levou questa coæ,
Doppo un si longo, e duro purgatuoerio,
De gove senza meta de reluoerio
Ro Cè dre tuoe bellesse sempremoæ?
Che quelle vive Stelle, onde ro Sò
Sperde, e s'oscura posse com'in spegio
Gove felisemente in Cè d'Amo?
Così drent'unna grotta un dì à ra megio
S'inzegnava de di Lichin Pasto;
Amo respose. Allò ti saræ vegio.