Ra cittara zeneize 1636/Cari boschi: ombre care, e retiræ
| ←torna a l'èndexo | Ra cittara zeneize de Amoî Boscæsci |
Con Ghirlanda de ruoeze, e giasemin→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Cari boschi: ombre care, e retiræ,
Che spesso à re mæ penne intenerie
Oura sciù fresch'erbette, oura sciù prie
A retra re mæ lagrimme imparæ:
Che con Echi pietoxi, addoloræ,
E con voxe interrotte, allenguerie
Ve mostræ d'esta crua si fastidie;
Mostræ dro me pati tanta pietæ.
Ra vitta, che Perrin patisce, e passa,
Zà che le n'ha chiù voxe da puei dira
Solo con ro coro, ch'ò porta in fassa.
Dira vuoi, che si spesso in compatira,
In vei ra crua, che tanto ro strapassa,
Preghæ ra terra à arvise per sciorbira.