Ra cittara zeneize 1636/Ballin, me dixe Amó
| ←torna a l'èndexo | Ra cittara zeneize de Madregæ mainæschi |
Ra mæ bella Maxinna→ |
| Zena, Gioxeppe Pavon, 1636 |
Marinaresco.
Ballin, me dixe Amó,
Ra tò Maxinna è bella com'un Sò
Mi, che m'accorzo ch'ò me tira un scarso
L'è un Só, respondo, ma l'è un Só de Marso
De questa qualitæ
Chi muoeve sempre, e nò resorve moæ;
Odo in tanto ch'ò dixe, e se ne rie
Trà lé, per nò parei ch'ò ne sæ brutto
Pù ch'à nò te resorve un dì dro tutto.