Ra cittara zeneize 1636/Ballin, dro nostro Ma primmo Pescou

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Fulgençio Baldan

Sciù ri ormi, sciù ri pin, ò sciù re noxe→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL P. F. FULGENTIO BALDANI AGOSTINIANO. Ballin, dro nostro Ma primmo Pescou, Che sei così genti quando peschæ; Che ro Derfin celeste innamoræ Da ra sciabega vostr'à esse piggiou; Ballin, dre Muze tanto aggratiou, Che Zeneize per vuoi son deventæ, E de Beatrixe, e Laura sì laudæ Ri primmi honuoi Maxinna ha conquistou. Allumera re Stelle à unna à unna, Inchiode ra marinna in poco troeggio, E quinta re grandesse dra mæ Brunna. Me piggio impreiza (meschin mi) se voeggio Dre virtù vostre celebra sol'unna, E sato manco quanto chiù me spoeggio.

RISPOSTA Questo Ballin da vuoi tanto apprexou, Ch'à son de canti fin in Ce portæ Baldan, no è atro perche ro sacchiæ, Ch'un steccon d'hommo in sciabeghe allevou. Che da ra sò Maxinna destrassou, Ben spesso in quarche Care retiræ, Oura in canti, oura in chienti appassionæ Se conduoe dra sò sciorte, e dro sò grou. Povero sciabegotto de fortunna, Per atro bon da vive sciun un scoeggio, Galant'hommo, impastou de bonna lunna. Poeta, mà per gusto d'orofoeggio, Chiù che d'oro, ond'ò n'ha bramma nissunna Baldan, questo è Ballin scrito in foeggio