Ra cittara zeneize 1636/Annima mæ, vuoi fæ cuinto che cante,
| ←torna a l'èndexo | Ra cittara zeneize de Amoî Çivî |
Bruxo e crio com'un annima danná→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Annima mæ, vuoi fæ cuinto che cante,
Ve mettei ra pietæ sotta ri pe;
Me resorvo à fa ciera da broche,
Come vuoi fæ oreggie da mercante.
Digo in voxe chiærissima, e lampante
Che cangiæ verso per amo de De,
Che se no vuoi sei persa à parei me,
Minetta, no ve poere stravagante.
Come voreivo in somma che piaxe
Unna tanta superbia à ro Segno,
Se ro Segno le mesmo è tutto paxe?
Minetta temperæ tanto rigo,
No vei quanto ro Cê se compiaxe
Quando re creature s’han Amo?