Poexie zeneixi do Feliçe Santi/A-o sciö Cavenaghi 2
| ←A-o sciö Cavenaghi de l’« E.I.A.R. » | Poexie zeneixi de A-o sciö Cavenaghi de l’« E.I.A.R. » |
Vei e anchêu...→ |
Zà che ninte ghé ancon taggiôu dä pessa,
Né contratti se fæto e condizioin,
Pè parte mæ ghe fasso dî ûnn-a messa,
Vaddo a-o Monte — descâso — a dî e örazioin,
Se sciâ me voese fâ tanto a finessa
De dâme torna indietro i mæ copioin.
Coscì no’ tedio ciû vosciâ né l’E-I-A;
Me ghe levo d’attôrno e.... bonn-a seia!
Zena, 17 Frevâ 1932.