Poexie do Gioxeppe Peagallo/Pe ûnn-a vestizion de mônega
| ←Brindixi improvvisôu | Poexie de Pe ûnn-a vestizion de mônega |
A-o M. R. Melchiorre Fantini→ |
Pe ûnn-a Vestizion de Monega
Sûnetto
Ben che l'hò visto con due corne in testa
Vegnîte intorno o Sciô Scarpetta a giâ,
E fâ scoppiâ per l'aia ûnn-a tempesta,
Che se ghe penso a me fa ancon tremmâ!
Ben che l'hò visto co-a sò lansa in resta
Andâ de çà, de là, cede, avansâ,
Téndite agguati in quella parte e in questa,
E in campo averto fâ sciortî a sò armâ!
Ma t'hò visto ti asci cö tò coraggio
Confidando ne-o Dio chi t'ha ciammôu,
Fâtene beffe e fâo mangiâ de l'aggio:
E lê confûzo, vinto e svergognôu
Andâ a-o sò paize e giastemmâ ne-o viaggio
I Monestê, i Conventi e o sò peccôu.