Poesie drò Signò Giurian Rossi/Il Pollarolo
| ←Ro marinà | Ro Polleiroe de |
Ra Barilotta→ |
| da-o manoscrito Ricci 177 do Comun de Zena, www.storiapatriagenova.it |
Il Pollarolo compagno de malviventi Adorno, Cattaneo, Quattrove, Parpella, Pezzetta, à quali fu tagliata la Testa, il musico Bordigone posto in Gallera in Vitta, come Peritus in Arte, et il detto Pollarolo per haver presa Impunità fu rillegato in Corsica, di dove rittornato dall'esilio, ritornò alli furti per far anch'esso il fine de compagni.
Figgi piggemmo exempio
Mentre veghemo con ro Boia in Sciena
Ro Polleiroe fà possession per Ziena
Ve crei mentre o se troeva in questo caxo
A gordinetti orloù ro canorezo
Ch'o dighe intro sò ♥ [coe] quest'è ben piezo
Ch'andà à vende Quattroeve lì a Paraxo
Meschin sta votta o n'ha possuo guardase
Che ro Diao in fin no ghe l'attacche
Ni gh[']è riuscio lavase, ni lavase[sic]
Con ro savon dri atri re soe tacche
Si come o seppe zà per bonn'inchietta
Crovì re macchie soe d'unna Pezzetta
Anzi per fin d'anchoe,
Come o l[']è sciù ro moe
Ancora liè, ch'o posse dì m'ha ere,
Che re Pezze, e re strazze van per ere.
Se primma in sò favò per sò maritia
Con unpoco de brenno dentr'i oeggi,
Serrà ben re Parpielle à ra Giustitia
E ri atri imbroggiando
Coscì o restà lasciando
Ri compagni imbroggiè, liè foe d'imbroeggi
Houra, vuoeggi, ò non vuoeggi
Infra liè stesso senza parpellà
Così in Frangenti crimine adocchiou
Che chiù ro Bordiga no gh[']è zovoù
E Parpelle e Pezzette
Và poco à miezo mette
Ne manco de Quattroeve unna frità
No ghe ra mette in Tora ciù a quest'hora
Apointo in sò bonn'hora
Se questo Rompicollo
Senza stà à Bordigà donde o no deiva
Solo segondo l'arte o l'attendeiva
A Pollastri, à Capuin tirá ro collo
Houra Meistro Desconsa in sciù duì piè
Non ghe starè à tirà ro collo à liè
E apointo in ogni caxo
Se dro Gran de San Giaxo
Dro Segnò, ne dri Santi
O n'ha moè feto conto
Eivero houra in ponto
Votto, ch'o l'haggie quattro ò cinque Canti
Che per finì ri giorni, e i hore anchoe
De mà de Gora o moe lì sciu ro moè
Ben chiero vei se poè
Che ro Segnò, perche staghemo à riga
Con quelli mesimi miezi, onde nuì semmo
Quelli, che l'offendemo
Ancora liè con quelli o ne castiga
Come veghemo nuì
Che dre exatatioin, che dri vapoì
Che d'in Terra a ro Cé ra Terra manda
Foscia per conturbaro ò faghe guerra
Liè fa dri mesimi da ra mesma banda
Ri furmini, ond'o furmina ra Terra.
Così dro Polleiroe
Mentre che mà o viveiva, piezo o moe
Siegue ro mesimo anchoe
E dri cappuin, ch'a Ziena o strangorà
Dre Pollastre ch'in vitta o l'ha gustoù
Con fà a quarch'unna fà l'oeo squagiou
Dri poveri Piccioin ch'o l'[ha ]ascanoù
Dri Tordi ch'o perà
Houra ro Ciè de tutti a dira schietta
Fa con ri mesimi miezi ra vendetta.
E doppo d'esse moeuro, e consumoù
D'est'oxiello Griffagno ro Peccoù
Ro Gran Giove sdegnoù
Voggiando furminaro
Ha permisso ch'Astrea per condannaro
Ro piggie d'intre l'era à ro sorchetto
Mentre o se lanza à sgraffignà un Pecchietto
E a questo meschinetto
Per zointa ro Poistè
Non hebbe manco tanta caritè
De lasciaghe intre ongie quell'aniello
Chi ghe poeiva a liviello
Mentr'a pointo ro Meistro ro remorca
Servighe per sposase con ra Forca
Ma liè responde ch'esto macchiarollo
L'aniello chi ghe tocca o l'ha à ro collo.