Piaggio M. - Poesie 1846/Varietæ/O Villan
| ←Disgrazia e Fortûnn-a | Poexie de O Villan |
Træto d'amicizia indigesto→ |
| (ediçion Pagan - 1846) |
Batteston aveiva o Poæ
Lì pe andâ all’eternitæ;
O speddìn presto a-o Gëxâ
O Rettô fito a ciammâ;
Ma o l’andò tanto ciannin
Che o stè træöe per cammin!
Finalmente o gh’arrivò,
Ma a piccâ o no s’incallò
Ne de sûnnâ o campanin;
O tegniva o scemmellan
Sempre o picco e a corda in man
Con demoâseghe ûn pittin;
Ma sentindo remesciâ
S’avanzò o Rettô a-o barcon,
E ghe dixe a-o Batteston:
Cose ti è vegnûo chi a fâ?....
Per ciammâve (o ghe rispose)
Pre mæ Poæ, che stammatin
Ea lì lì pre tiâ o gambin:
Egnî sûbito?... E per cose
Ti non è vegnûo ciù lesto,
E ti n’hæ piccôu ciù presto?
Che me saivo destrigôu...
Prechè avæ puïa d'addesciâve!
E n’oggeìva destûrbâve!
Ma a quest’öa o sä zà creppôu!
Cose ho da vegnî ciù a fâ?....
No, che Giaxo mê compâ
M'ha promisso de demoâlo!
Egnî dunque a destrigâlo.