Piaggio M. - Poesie 1846/Varietæ/L'Equivoco
| ←O bon Conseggio | Poexie de L'Equivoco |
Botta e Risposta→ |
| (ediçion Pagan - 1846) |
Battesto o portò ûn giorno a regallâ
Unn-a panëa de fighe a sò Patron,
Intrôu in sala o se vedde accostâ
Vestïe tûtte de sæa con do gallon
Due gran Scimie, che sûbito a mangiâ
E ciù belle se missan træ a boccon,
Lê che in te Scimie mai o s’intoppò
Oe piggiò per de casa, e o se sciallò.
O portò o resto a sò Patron, chi aveiva
Vista a scena derrê da ûnn-a portëa,
O ghe fè o complimento, quello o rieiva,
E perchè, o disse, ti è portôu a panëa
Mëza pinn-a; o Villan se contorseiva,
E o disse, Sciö Patron ben pinn-a a l'ëa,
Ma intrando in casa appenn-a e ho posæ,
E so Scignore Figge i han mangiæ.