 |
Questa pagina a l'è stæta corretta. | |
XVII.
Ma i dragron, ch’i eo pogheti, i avevo visto
Che noiautri a eimo tanti e ben armà;
E lì, ’acranon, chi t’ha visto t’ha visto,
A tapelae, ch’i paevo pagà!
Aloa noiautri quand’avemo visto
Ch’i avevo ciü’ paüa che noi, se sa,
Con en coragio che ne s’ea mai visto
Tüti adaré come anime adanà.
E sü pea strade e i pozi a sc-ciopetae,
Che la caiva e foge ae arboele
Come quando la tia vento de mae.
Ma quando, arivà sü, che a ciü’ de ün
A s’acredeimo d’avee fato a pèle,
A ne gh’avemo ciü’ trovà nissün.
