 |
Questa pagina a l'è stæta corretta. | |
VIII.
Quarchedün i passò da l’autro canto,
Che ansi la sücesse di bordeli;
Ma squasi tüti, e anca me fra queli,
A restassimo fermi, e a me n’avanto.
Siché o stato magioe, visto che tanto
Ciü’ de mezi l’ea inütile: — Meteli
Ae büsche, i disse o sindico, o serneli,
E a autri ch’i se fermo aa Speza. — Entanto
Pea ciassa tüto ’ntorno figi e fige,
Pai e mae e mogee i s’eo rünà,
Perché tüti a gh’aveimo e se’ famige;
E lì cianti e bordeli; a capié,
Tüti pai de famigia e maidà,
Fegüeve che scene che se fé!
