 |
Questa pagina a no l'è stæta corretta. | |
Tirit. Ahime mì! agiutto.. agiutto. Miseicordia! (tenta fuggire)
Oraç. (lo trattiene) Come! vi ribellate?
Tirit. Ah, cara Argentiña, agiutæme, ve ne prego.
Arg. No ve fæ strapassâ. Fæ quello ch’o ve dixe. A man a man o sata in bestia. semmo in fin de settemaña, e o non hà ancora amaççaò nisciun.
Tirit. Ah, che paeize maledetto! che maledetto paeize! donde sonê mai vegnuo!
Tib. Dæme man a mì, caro spozaò; non ve ghe fæ strascinâ per i oreggie. Andemmo.
(Tirit. e Tibur. via)
Arg. (guarda verso la scena) Aora scì che semmo in te peste! Veddo vegnî o sciô Ghigærmo. meschin de noî. Scapemmo via de chì: altrimenti o scrovirà tutto l’intrigo. (via)
Ghigermo solo.
Son chì de retorno, e non me son possuo fermâ a Zena a terminâ e mæ facende, perchè hò trovaò a ra posta uña lettera do sciô Giangorgolo Magagnan, chi me dà notiçia dra partenza do sciô Tiritoffolo sò figgio mæ futuro zennero, chi porræ êsse chì a momenti; e chi sà ch’o no sæ zà arrivaò: onde bezœugna che parle con a mæ cara Argentiña per mette all’ordine tutto quello chi fa de bezœugno.
