 |
Questa pagina a no l'è stæta corretta. | |
Su ra chiu bella sció dra vostra eté
Duxento asseme havei piggiao garie
De Turchi chi arrobavan chì, e lie
Nave de Crestien, regni e citté.
Ni basta a voi de havei ri chen lighé
Che noi atri incheiné Don Zane assie
Con re chenne dre vostre cortexie
Re qué son dose chiu dra liberté.
E Rè feto ve sei d’ogni cuo nostro,
Perchè non solo fé de i homi acquisto
Chi pon parlave, e veive da tutt’hora.
Ma dra bellezza, gratia, e senno vostro
Re gente ancon lighé chi no v’han visto
Como per fama l’homo s’innamora.
Se ben no havei ro mondo scorratao
Come i vostri zeneixi, o Segnó mé
Che como moneghetta in monesté
Quasi a Monego sté sempre serrao.
Ro vostro nome fo sempre Honorao
Perche a Monego chioso, o no sta lé,
Ma svoera su per su, da ca de Dé
Si che sotta ogni nome o s'ha lasciao.
