 |
Questa pagina a no l'è stæta corretta. | |
E za che ti te mostri mé inemigo
E mi per tò in[e]migo me descruoevo
Fame zò che ti puoe, che te reproevo
Che ti é da poco, si no voeri un figo.
Ti te crei perchè ti hé quella barestra
Onde ti hé teiso quello vereton
De fame dentr[o] cuò nueva fenestra.
Ma mi con ra ridella dra raxon
C'hò impreiso de tegní, dra man senestra
Ti[sic] f[a]rò stá inderré como un menchion,
O diavo ti é ben bon
Se ti te crei che sea chiù quello ch'era
Quando ti me mostrassi ra promera
Te digo a bonna chiera
Che no son quello, e si te sò acertá
Che cazei questi dì zù dra viscá.
Vorcan chi a puzzo, tento de carbon
Sozzo como un diavo, per moggié
Havé Venere bella che d'in cé
Porze intro fá dro dì lume chiù bon
Questa, trattando quello da un craston
E assé chiù pezo, pe ro corpo mé
Fava che Marte chi dre guerre è dé
Ghe metteiva re corne a ogni saxon,
