 |
Questa pagina a no l'è stæta corretta. | |
Poemo sperá che leverei de testa
Presto ra diadema d'Ottoman
Per ornane tra noi chi n'è chiu degno.
E che Nettun se ve trarà de testa
E ve darà ro sò tridente in man
Per dave a governá ro sò gran regno.
Seguí ro Can mastin chi ne devora
Perchè de vitta in fin ro priverei
Ni voi dra fè sostegno moé morrei
Se ben morissi combattando ancora
Che chi mò pe ra fè nasce lantora
E a ra vitta beá ve ne anderei
E chì per fama sempre viverei
Che un ben morí tutta ra vitta honora
Ma prima che torné Don Zane in Cé
De donde insio sei per ben de noi
Acquisterei dro Can ro gran paeize
Seguí, che à voi darà vittoeria Dé
Chi ha ro viccario sò ligao con voi
Perchè in un dì puní ben mille offeize
Ri costumi, e re lengue hemo cangié
Puoe che re gonne chiù n'usemo chie
