 |
Questa pagina a no l'è stæta corretta. | |
Ma se ben me fuzí, como oxeletto
A ra montagna fuze, e vora via
Se a Zena o sente trá quarche schiopetto,
Mi con i are dra mente e fantasia
Donde sei, presto arrivo, ve prometto
Che donde ponze Amó curt'è ogni via.
L'annimo che con voi stà sempre moé
Ni atra donna, da voi ro desavia,
Fa che ra vostra chiera savoria
Notte, e dì veggo ben che no voggié.
E se nueva bellezza annima mé
Cerca a l'annimo me fá cangiá via
Lé ch'atra stré no gusta, o compagnia
Torna a voi Scarpa che beao ro fé.
E asconde in villa tanto no ve poei
Ni fuze me poei tanto che ro só
Dri vostr'oggi no luxe a ro mé cuo.
E se ben me sei lonzi, balla[sic] s[u]o,
M'ascadé tanto de gentí caró,
O pensé s'ascadame rente dei.
L'erco dri vostri oeggi, bella suoe
È l'archetto d'Amó chi m'ha tiraou
E ro lazzo d'Amó chi m'ha ligaou
