 |
Questa pagina a no l'è stæta corretta. | |
Se re porte dre veggie son serré
Queste cappette e strannij cresté
Per intraghe appontellan gambe e pé
E spointan si che gh'intran votte assé.
E como gh'intra un solo d'esti té
Gh'intra ro resto chi ghe va derré.
E dentra veggia stan si vorenté
Che se n'essan chianzando sempre moé.
E se pù da ra porta intrá no pon
Tiran de prié quarche resseggiá,
E rompan l'oggio rando dro barcon.
Si che è megio ra porta sbarrassá
Tanto chiu che per poco ro garzon
Da ro portello in ca ri lassia intrá.
Za no se veiva da ri rumenté
In Bezagno portá sù i azenetti,
Cha strussi de garbuxi, e de coretti
E fuoegie de cevolle, e cose tè,
E haura de chiume van ben carreghé
Perchè se truoeva assé polli, e polletti,
E se truoeva gran becchi d'oxelletti
Chi pre mangiá ra carne son tagié.
E d'ogni oxello chì se puoe trová
Orochi, pittamú, gore, e stronelli,
Perchè ogni foento donne usa oxellá.
