 |
Questa pagina a no l'è stæta corretta. | |
Ni se vè sarvo oxelli chiu perá
Per butteghe, e coxinne da tutt'hora
Tanto tira dra gora ra caná.
Ma cravetti quarc'un chiu gusta ancora
Perche increscie a ra fin tanto perá,
Si ch'aura è un má pertuso questa gora.
Santa Barbara chiama, e San Simon,
Chi per amó me sente sospirá
E fuze presto a ca per non bruxá,
Si ch'ogni me sospiro è lampo, e tron.
E chi se atrova in ca, da ro barcon
Zu pan de san Nicola usa buttá
Per fá questi mé lampi e troin mancá,
E l'egua che chianzando fazo ancon.
Che tant'egua da i oggi m'usa insí
Ch'un diluvio segondo tornereiva,
Se con ri lampi l'egua no sciugasse.
E se l'egua ro fuogo no amortasse
Questo reverso mondo bruxereiva
Che in ogni muoo in fuoego ha da finí.
Za, a ri citten pareiva ben disná
D'un ovo senza chiu dre polle su[o]e
E intre l'eiguetta de quest'ovo puoe
Unna suppa a ri messi favan fá.
