 |
Questa pagina a no l'è stæta corretta. | |
16Ma se veggo lè mesma che me pà:
Cosa è de mi quando ra vego lè,
N'hò chiù che dexirà,
E d'esse me pà in Cè;
Si me sento cangià,
E trasformame in le,
Onde me tocco à vei se mi son mi
O pù quarch'atro chi m'aspete li.
17O versi mè, c'[]hò zà bagnaou de chiento
E po co ri sospiri v'ho sciugaou
Quanto martello sento
E s'ho ro Cò infrecchiaou,
Ognun chi ve veria*
Da voi l'intenderà,
Però ve n'anderei davanti a quella
Figia d'ogni atra chiù crudele e bella.
18Se ghe direi. Che se ben n'ho speranza
D'otegnì moè da lè nissun favò,
E in pari soe d'usanza
E mà inchietao l'Amò,
Mi pù l'honoro, e l'amò*
E sempre moè ra bramo:
Che virtuoso, e sento e* ro me fin,
E ro ben che ghe vogio si è dro fin.
