 |
Questa pagina a no l'è stæta corretta. | |
9E quando me ne vago pò con Dè
Intro cuò torna me ve pà sentì,
Onde me vozo subito inderrè
Perche l'è cosa chi me fa stupi,*
Si ve vego assetà co ro Panè
E in man l'agogia che voi stè à cuxì.
E comenso davei a stravania*
Si no so como vaghe esta bugà.
10Da pò stago pensando se poisse esse
Quarche gran maravegia questa chi,
E mi havesse dro tutto perduo l'esse,
E fosse devegnuo un'atra voi,
E per questa causa me paresse
de sentive comeigo notte, e dì,
Pigio ro spegio, e me ghe aguardo drento,
E si me veggo c'ho ra barba in mento.
11Lantora me ne ven quasi da rie
Perchè sò che de barba voi no havei:
Me vego sozzo dentro speggio asie,
E voi si gracioza, e bella sei:
A no va così ancora, e digo mie
Ro proprio ne vorreiva, pù savei:
E si ghe penso sù, tanto che mi
Trovo in fin che ra cosa va così:
