 |
Questa pagina a no l'è stæta corretta. | |
Ma un'Aze d'oro carrego, e adoraou.
Ni perche a beive l'egua d'heliconna
Ra mea foggietta devegni* po grande,
Ni ro senno dro povero è apprexaou,
Con raxon ro Mà guardo in traversinna
Perche come intro in Mà me sento mà
Si che in Mà poero un pesso fuo de Mà,
Ni dormì posso, si ro mà me ninna.
5E spesso egua da beive n'ho stizzinna
Ni veggo in Mà sarvo egua chi e sarà
E dentro l'egua ho poira de bruxa
E corro d'assettaou pe ra marinna.
Ma corrando a ra fin dago intr'un scoggio
10O che quarche Corsà per Ma m'afferra
Che moe* no ha ben, che* in Ma sta tuttavia
E chi dro Ma chi è senza fe, se fia
Infin se trova con re neghe a moggio,
Però laudo ro Ma si stago in Terra.
Mi i homi de vint'agni zà vist'hò
Che a ra lippa zughavan per re strè
A i amandore, a i osse, e cose tè
Come megon megon, bedin bedò.
5O pù semel e bis, pittin pitò
E a chiatta ancon zughavan desbraghè,
