 |
Questa pagina a no l'è stæta corretta. | |
5Se l'è un marmaro giancho dritto in pè
Come ra sò durezza puoè mostrà,
Come diavo fallo à caminà
E a tirà frecchie come un barestrè?
Ma se l'è Donna pù de carne, e d'osse
10In terra come apà, ben hò certezza
Che vei chiù bella cosa no se posse.
Che l'è chiù bella dra mesma bellezza
E chiù bella sareiva s'a no fosse,
Chiù dura ancora dra mesma durezza.
Za i homi de trent'agni eran figiuoe
So mamma ghe toccava ancon ro bin,
Si ghe dixeiva vuoeto fa pixin?
Ni braghette portavan com'anchuoe.
5Si creivan, che re donne ri figiuoe
Feisan da l'ombrizallo ri meschin,
E a sò moere toccavan ro tetin
E in letto ancon dormivan con sò suoe.
Ma tutti haora fan tutto à ro reverso
10Che à mare sperme son dra scorza fuoera,
Che re mate parole chascun dixe.
Si van trovà re donne peccarixe
Si fan de pezo, e per zò ven gragniuoera
E s'impenze ro mondo a ro reverso.
