Pagina:Rime.diverse.in.lingua.genovese.Bartoli.Pavia.1588.djvu/104

12Ma perchè ro parlà de poco peiso
Che d'un soggetto così grande fasso
Porreiva annima cara de Pareiso
Tirave in quarche luoego scuro, e basso,
Meggio è che taxe, che da mi repreiso
Me tegne, per no vei che in un stromasso
Atri addotè ch'a mi de meggioi dote
Ro stì, ra penna, e ro papè ghe bote.

13Soramenti dirò può c'ha vossuo
Amò fave de mi libero don
E che per honorave anchon nassuo
E per amave, e per servive son,
No me voggie mostra* ro cuò si cruo
Da fame caze in terra a rubaton,
Anzi acette* ro me servixo in graou
Che posse fame in vui tutto beaou.

Quello proverbio dixe ben per Dè,
Che no se devereiva za mue di
(Come se ve ben spesso intrevegnì)
4Mi de questa egua moe no beverè.

Perch'esto tà l'è sempre ro promè,
Ch'a l'appelleura è solito a corri;*
E che de tira se ne va a feri,*
8A da dentro dra re presto dri pè.