 |
Questa pagina a no l'è stæta corretta. | |
1.
Tutta ra villa d'ato e da basso
corre de gusto chiù che de passo
se ra bella de Castelletto
va con l'atre sciù ro cianetto
2.
Tutto de sciouì vestio ro proù
serco ra bella per taperoù
e gh[']e sorve ro girasò
per banderetta si che muoè ra scalda[sic] ro sò.
3.
Co ro sò mesmo dra sò sfera
pin de vergogna no mostra ciera,
ma s'asconde ri raggi in se
perche s'accorse che ra bella, è chiù bella de liè.
4.
L'almo, e ro mazo, e l'ermorin
serve caro bella per bardachin,
e re foggie dri herboretti
pà che govan per i boschetti de chinaseghe per cosinetti.
5.
Sù per ra serca, per i boschetti
cantan de longo mille auxeletti
pà che digghe ro sò cantà
noì s'allegremmo, che vivemmo la bella ballà.
6.
Entro Bezagno con rocca voxe
va cantando verseo ra foxe
e moveno ro crestallo
pà c[']o digghe: per che balla ra bella io ballo.
7.
Viva ra bella donna ogn'un digghe
viva ra bella Reginna dre figgie
per che solo ra festa è bella
quella festa donde in ballo, ghe balla ra bella
