 |
Questa pagina a no l'è stæta corretta. | |
1.
Allegreve donne mè
che ven fuoea à rallegrave
o ven fuoea chi vuoe dave
dri suoè mazzi naatuè
2.
Da quell'Isoe divinne
onde staggo con amò
vegno à vuì belle fantinne
pre scioave un pò l'umò
e rescadà o vostro sò
a ro sò dre mè contrè
Allegreve donne mè
3.
Ro sò vostro è freido tanto
c[']o fa cazze zù e fuoeggie
ma se o se mettea à canto
in ro fuoego dre me vuoeggie
e farò, ch'o se despuoeggie
dra sò trista qualitè.
Allegreve donne mè
4.
Gren camin, larghi e profondi
ho attastaò care patronne
pre toccà i vostri fondi
e pre mette erbette bonne,
e dre reixe novelonne
in re vostre belle prè.
Allegreve donne mè
5.
Mi passeì o streito, figgie
con un pò d'impedimento,
e pre unna, e pre due miggie
ghe troveì sempre dro stento
ma spointando ben ro vento
s'allargan presto e strè.
Allegreve donne mè
