 |
Questa pagina a no l'è stæta corretta. | |
1
Prescinsuoere accattè
donne belle, e lete puro
à esto burro fresco, e duro
tutte quente caminè.
2
Gianche sode rionde, e nette
prescinsuoere nuì portemmo
pre vuì belle zovenette
e à vuì tutte re daremmo
e ro scoso v'inciremmo
nuoi de burro s'apparrè.
3
Per mostrà a mercanzia
aura chi nuoì ra posemmo
deh miè pre cortesia
cose vende ve voggiemmo
si virrei, che nuoì piggiemmo
da e mandre lete assè
4
Questo lete si soave
che portemmo in re conchette
non è miga zà de crave
nè tampoco d'azenette
ma l'è ben de pegoette
ben pasciuue, e ben trattè
5
Puro, e fresco, e da sciorbì
hemmo lete in conchettin
con ro quà vuoì farei vegnì
grendi, e grossi ri gattin
accattè pre i munin
donca donne lete assè.
6
Tutto Ziena nuoì scorrimmo
e criando ve ciamemmo
