 |
Questa pagina a no l'è stæta corretta. | |
15
Se storti, zembi, ò driti
ranghi, e ben desguognè
che de povee de Sipri
son pin come i brenè,
che giusto pà che vegnan
da mette o crescenton.
flon flon etc.
16
Quelli ch'han e gambe storte
non se tian inderè
de fare un pò ciù erte
e drizzae co'i barrolè,
e correzzette, e fibbie
e piccaggie, e cordon.
flon flon etc.
17
Se gh[']e quarche zembetto
pre poeisse un pò drizzà
o vuoè un bon cossinetto
pre fà a spalla inguà
Stimo che saè miegio
un pò d'oeio de baston.
flon flon etc.
18
Se un ha unna gamba ranga
subito o se ne va
pre agiustase a gamba
à parlà a o caegà
a ghe dà ciù vinti sodi
pre assonseghe un taccon.
flon flon etc.
19
Quelli puoè che a natua
ha feto ben formè
se presan de ventua
che a sciorte i a dottè
d'esse vaghi d'aspetto
de tutta perfettion.
flon flon etc.
