 |
Questa pagina a no l'è stæta corretta. | |
1
Allegri zoventura
Zà che son vegnuo chì
Così pre mè ventura
Me tocca à fà sentì
Sentime steme attenti
tutti sciù ro barcon
Flon flon marièv'ò bella
flon flon marièv'ò don
2
E pre non muà sciena
ve voeggio fà sentì
pre tutto quanto Zena
cose sole seguì
sentì pre cortesia
prestè tutti attenzion
flon flon marièv'ò bella
flon flon marièv'ò don
3
Veì queste bezagninne
pre Zena caminà
Leste come Reginne
voì re veì passaggià
ogn'unna porta in testa
grande ro sò corbon
flon flon marièv'ò bella
flon flon marièv'ò don
